سه‌رۆكێ هه‌رێما كوردستانێ فه‌رمانا هه‌رێمى بۆ رۆژا هه‌لبژارتنێن په‌ڕله‌مانێ كوردستانێ دیاركر و ئالیێن په‌یوه‌ندیدار راسپاردن ل گه‌ل كۆمسیۆنا هه‌لبژارتنێن ئیراقێ هاریكار بن.
په‌یڤدارێ سه‌رۆكایه‌تییا هه‌رێما كوردستانێ د كۆنگره‌یه‌كێ رۆژنامه‌ڤانى دا راگه‌هاند، 20-10-2024ێ هه‌لبژارتنێن په‌ڕله‌مانێ كوردستاننێ دێ هێنه كرن.
دلشاد شه‌هاب، په‌یڤدارێ سه‌رۆكایه‌تییا هه‌رێما كوردستانێ د كۆنگره‌یه‌كێ رۆژنامه‌ڤانى دا گۆت: پشتى دانوستاندن ل گه‌ل ئالیێن سیاسى هاتییه‌كرن و خواندن بۆ پێدڤیێن هه‌لبژارتنان هاتینه كرن و سه‌رۆكێ هه‌رێما كوردستانێ كوردستانێ فه‌رمانا هه‌رێمى ده‌رخست.
فه‌رمانا هه‌رێمى یا نێچیرڤان بارزانى، سه‌رۆكێ هه‌رێما كوردستانێ
فه‌رمانا هه‌رێمى ژماره 222 یا سالا 2024 پالپشت ب بڕگا دوێ ژ ماددێ ده‌هێ یا ژ قانوونا سه‌رۆكایه‌تییا هه‌رێما كوردستانا ئیراقێ ژماره ئێك یا سالا 2025 یا راسته‌ڤكرى مه بڕیار دا
دیاركرنا 20-10-2024ێ ب ده‌ما ئه‌نجامدانا هه‌لبژارتنێن گشتى بۆ خۆلا شه‌شێ یا په‌رله‌مانێ كوردستان هاته دیاركرن
هه‌مى ئالیێن په‌یوه‌ندیار دێ پابه‌ند بن ب ئه‌نجامدانا كارێ پێدڤى بۆ هاریكاری و هه‌مانهه‌نگیێ لگه‌ل كۆمسیۆنا بلندا هه‌لبژارتنا بۆ بجهئینانا ڤێ فه‌رمانێ.
ئه‌ڤ فرمانه دێ ژ رووژا ده‌رچوونا وێ هێته بجهئینان و دێ ل رۆژنامه‌یا فه‌رمى هێته به‌لاڤكرن.
نێچیرڤان بارزانى
سه‌رۆكێ هه‌رێما كوردستانێ
26-6-2024