ئەڤرۆ جڤاتا وەزیرێن هەرێما کوردستانێ دێ کۆم بیت و د کۆمبوونێ دا دێ بەحسا وەرگرتنا گەنمێ جۆتیاران و کێمکرنا قەرێن کارەبێ و ژمارەکا تەوەرێن دی هێتە کرن.
ئەڤرۆ رۆژا چارشەمبی 5ی خزیرانا 2024ێ، جڤاتا وەزیرێن هەرێما کوردستانێ ب سەرپەرشتییا مەسروور بارزانی، سەرۆكێ حکومەتا هەرێما کوردستانێ دێ کۆم بیت و د کۆمبوونێ دا ئێک ژ تەوەران بابەتێ وەرگرتنا گەنمێ جۆتیارێن هەرێما کوردستانێ ژ ئالییێ ئیراقێ ڤەیە و دۆسەیا هناردەکرنا پەترۆلا هەرێما کوردستانێ و رێکارێن وێ پرۆسێ، تەوەرەکێ دی یە.
هەر د کۆمبوونا ئەڤرۆ یا جڤاتا وەزیران دا، دێ راپۆرتا دویێ یا بجهئینانا پلانا حکومەتا هەرێما کوردستانێ بۆ مافێن مرۆڤی هێتە بەرچاڤکرن و هەروەسا دێ دانوستاندن ل سەر دیتنا میکانیزمەکێ بۆ کێمکرنا قەرێن کارەبێ ل سەر وەلاتییان هێتە کرن.