ئاکرێ نیوز
لقمان سەعید بەرپرسێ راگەهاندنا زانکویا ئاکرێ بۆ ئاکرێ نیوز دیارکر :" ژ بۆ مەرەما باوەرپێڪرنا زانڪۆیا ئاڪرێ بۆ زانستێن ڪرداری ژ لایێ حڪومەتا عێراقا فیدرال و وەزارەتا خواندنا بڵندا عێراقێ (پ.د.منهل الهام عبدال) سەرۆڪێ زانڪۆیا ئاڪرێ دگەل شاندەکێ پێرا و ب سەرەدانەڪا فەرمی گەهشتنە بەغدا پایتەختێ عێراقێ.
ل دەستپێڪا سەرەدانێ دا ژ لایێ (بەختیار حاجی) رێڤەبەرێ گشتی ل نینەراتیا حڪومەتا هەرێما ڪوردستانێ ل بەغدا پێشوازی ل سەرۆڪێ زانڪۆیا ئاڪرێ و شاندێ دگەل دا ڪر و بەحسی بابەتێن باوەرپێڪرنا زانڪۆیا ئاڪرێ و پێنگاڤێن هاتینە هاڤێتن و بەرهەڤیێن هاتینە ئەنجام دان هاتنە گفتوگوڪرن .
هەروەسا (د.ڤیان صبری) ئەنداما جڤاتا نینەرێن عێراقێ و سەروڪا لیستا پارتی و (د.نەهلە ئەفەندی) ئەنداما جڤاتا نینەرێن عێراقێ ئامادەیی روینشتن و گەنگەشێن سەرۆڪێ زانڪۆیێ و شاندێ دگەل دا بوون.
ئەڤ چەندەژی گوت :" د بەردەوامیا سەرەدانا دوو رۆژی یا سەرۆڪێ زانڪۆیا ئاڪرێ دگەل رێڤەبەرێن گشتی ل وەزارەتا خواندنا بڵندا عێراقا فیدرال روینیشتن هاتنە ئەنجام دان و گەنگەشە ل سەر بابەتێ باوەرپێڪرنا زانڪۆیا ئاڪرێ و رێڪارێن پێتڤی هاتنە ڪرن
ژلایێ خوڤە پ.د.منهل الهام سەرۆڪێ زانڪۆیا دیارڪر: ئەم د گەشبینین و دێ هەموو هەۆڵ و پێڪوڵا ڪەین هەتا مزگینیا باوەرپێڪرنا زانڪۆیا ئاڪرێ بۆ خەلڪێ خۆیێ خوشتڤی راگەهینین ئەوژی ب هارۆڪاری و پشتەڤانیا ڪاربدەست و نینەرێن مە ل جڤاتا نینەرێن عێراقێ و هەر وەسا هەمی پێنگاڤێن باوەرپێڪرنا زانڪۆیێ و رێڪارێن پێتڤی هاتنە ئەنجام دان
سەرۆكێ زانڪۆیێ زێدەتر گوت: جهێ دلخۆشیێ یە د دەمەڪێ ڪۆرت دا ئەم شیایین ڤێ پێنگاڤا مەزن پاڤێژین چونکی هێشتا ژیێ زانڪۆیا ئاڪرێ نەبوویە سالەڪ ستافێ زانڪۆیێ هەر ل دەستپێڪا دامەزراندنا زانڪۆیێ ڪار لسەر ڤێ پێنگاڤێن باوەرپێڪرنێ ڪرینە .