سەرۆكێ حكوومەتا هەرێما كوردستانێ، پێشوازییا باڵوێزێ هندستانێ ل عێراقێ كر و پەرەپێدانا پەیوەندیێن ناڤبەرا هندستان و هەرێما کوردستانێ گوتوبێژ کر.
ئەڤرۆ سێشەمبی 4 /6 /2024، مەسرور بارزانی، سەرۆكێ حكوومەتا هەرێما كوردستانێ، پێشوازییا پراشانت پیسێ، باڵوێزێ هندستانێ ل عێراقێ کر و پەرەپێدانا پەیوەندیێن ناڤبەرا هندستانێ و هەرێما کوردستانێ گوتوبێژ کر.
د هەڤدیتنێدا، باڵوێزێ هندستانێ بەرهەڤییا ولاتێ خۆ بۆ پەرەپێدانا پەیوەندیێن دوولایەنە ب تایبەتی د بوارێن ئالۆگورا بازرگانی، ساخلەمی، خواندن، وزە و تەکنەلۆژیادا نیشاندا، ئاماژە بۆ وێ ژی کر کۆ بۆ ڤێ مەبەستێ شاندەکێ بازرگانی ل هەرێما کوردستانێیە.
سەرۆكێ حكوومەتێ، خواستا هەرێما کوردستانێ بۆ بهێزترکرنا پەیوەندیێن دگەل هندستانێ دووپات کر.