نێچیرڤان بارزانی سەرۆكێ هەرێما كوردستانێ ل سه‌ر تورا خۆ یا جڤاكییا فەیسبۆكی ڕاگەهاند: نووچه‌یێ ب ئازار یێ گیان ژدەستدانا خودێ ژێ ڕازی سەرۆكێ كۆمارا ئیسلامییا ئیرانێ خودێ ژێ ڕازی ئیبراهیم ڕەئیسی و خودێ ژێ ڕازی ئه‌مير عه‌بدوللاهيان حسێن وەزیرێ دەرڤە و ژمارەكا هاریكارێن وان د ڕوودانەكا كەفتنا هێلیكۆپتەرا واندا، ئه‌و دلتەنگ و خەمبار كرن.
سەرۆكێ هەرێما كوردستانێ دیار ژی كر، دڤی دەمێ ب زەحمەت دا ژدل و جان هەڤخەمی و هەڤسوزییا خۆ دگەل ڕێبەرێ كۆمارا ئیسلامییا ئیرانێ، سەید عەلی خامەنەیی و سەركردایەتی و حكومەت و گەلێ ئیرانێ و دوست و جیران و بنه‌مالێن وان ده‌ردبرن، ژ خۆدایێ مه‌زن دخوازن گیانێ خۆدێ ژێ ڕازییان ب مه‌زنى و دلوڤانییا خۆ شاد بكه‌ت و ئارامى و بێهنفره‌هییێ ب هه‌موو لایان بده‌ت.
هه‌روه‌سا ئاماژه ب هندێ دا، گیان ژ ده‌ستدانا خۆدێ ژێ ڕازى سه‌رۆك ڕه‌ئیسى خه‌مه‌كا ب ئازار و زیانه‌كا مه‌زنه بۆ كۆمارا ئیسلامییا ئیرانێ و گه‌لێ موسلمانێ ئیرانێ و دوستێن وێ، لێ ئه‌و دپشتراستن گه‌لێ جوامێرێ ئیرانێ و كۆمارا ئیسلامى دێ ڤێ خه‌مێ ده‌ربازكه‌ن، خۆدێ هاریكار و پارێزه‌رێ هه‌موویان بیت و بیره‌وه‌رییا خۆدێ ژێ ڕازى بخێر بیت.