ئاکرێ نیوز
مەنهەل موافق رێڤەبەرێ ناحیا روڤیێ بۆ ئاکرێ نیوز دیارکر کو نوکە ب کوژمێ 421 ملیون دیناران جادێن سەنتەرێ ناحیا روڤیێ دهێنەقێرکرن ژ وان تاخێن دهێنە قێرکرن ژی هەر ئێک ژ تاخێن ڕۆژ و نەوروز و مەتار و قەلاتن .
هەروەها ل قوناغا بهێت ژی جادێن تاخێ دوڕیان دهێنە قێرکرن ب کوژمێ پتری 500 ملیون دیناران کو ناحیا روڤیێ ژ پێنج تاخان پێک دهێت و کاردهێتەکرن سەرجەم تاخێن روڤیێ بهێنە قێرکرن و بکەڤنە دخزمەتا هەڤوەلاتیێن بەرێزێن دەڤەرێ یا جهێ ئاماژێ ئەڤ پرۆژە لسەر بودجێ گەشەپێدانا هەرێمان دهێنە بجهکرن.
هەڤدەم رێڤەبەرێ ناحیا روڤیێ ئەو چەند ژی دیارکر کو ل ماوەکێ نزیک دێ پرۆژێ جوودسایدێ سەنتەرێ ناحیا روڤیێ کار لسەر هێتەکرن دگەل دەروازا روڤیێ تاکو گوندێ ئێک مالە کو دهێتە گرێدان بۆ رێکا سەرەکی یا ئاکرێ ب تەمامی دهێتە قێرکرن کو ئەڤ پرۆژە هەردوو ب ئێک پاکێج دێ کارلسەر هێتەکرن و هێتە بجهکرن ب کوژمێ 500 ملیون دیناران و رەزامەندی ژی هاتینە وەرگرتن بتنێ مایە بەلێندەر ل ماوەکێ نزیک کار لسەر بکەت و بهێتە بجهکرن.