سعوودیێ هه‌ژماره‌كا وه‌لاتیێن كورد ده‌سته‌سه‌ركرینه و رێڤه‌به‌رییا حه‌ج و عومرێ ژى دبێژیت: ناڤێ وان ل گه‌ل لیستا حه‌جیێن هه‌رێما كوردستانێ نینه.
كاروان ستوونى، به‌رپرسێ راگه‌هاندنا رێڤه‌به‌رییا حه‌ج و عومرێ یا هه‌رێما كوردستانێ راگەهاند: هه‌ژماره‌كا وه‌لاتیێن هه‌رێما كوردستانێ ب ڤیزه‌یا وه‌لاتێ سعوودیێ چووینه وى وه‌لاتى و ئاشكراكر، وان مافێ چوونا حه‌جێ نینه، له‌و ده‌ستهه‌لادارێن سعوودیێ ئه‌و ده‌سته‌سه‌ركرینه.
هه‌روه‌سا گۆتژى، رێڤه‌به‌رییا وان نه به‌رپرسه هه‌مبه‌رى چوونا وان و ئه‌و دێ بزاڤان ژى كه‌ن ب رێكا سازیێن خۆ چاره‌بكه‌ن و ڤه‌گه‌ڕینن، لێ پێڕابوون د ده‌ست حكومه‌تا وى وه‌لاتى دانه.