نێچيرڤان بارزانى، سه‌رۆكێ هه‌رێما كوردستانێ، ئەڤرۆ پێشوازى ل ئه‌حمه‌د بن حەسەن ئەلحمادی، ئەمیندارێ گشتییێ وەزارەتا دەرڤەیا قەتەر كر.
د كۆمبوونێدا، هه‌ردوولایان دووپات ل پێشڤەبرنا پەیوەندییێن قه‌ته‌ر ل گەل عیراق و هه‌رێما كوردستانێدا كر، هه‌روه‌سا ل دۆر ده‌رفه‌ت و بوارێن وه‌به‌رهێنانا قه‌ته‌ر ل عیراق و هه‌رێما كوردستانێ دانوستاندن كر.
شاندێ قه‌ته‌ر دووپات كر، كو وەلاتێ مە باوەری ب عیراق و هەرێما كوردستانێ هەیە و دخوازین د بوارێ ئابوورى و بازرگانيدا زێدەتر بەرەف پێشڤەبرنێ بچیت. هه‌روه‌سا ئاماده‌يیا د بوارێ وزێ، گه‌شتيارى، چاندن، خواندن و په‌روه‌رده، ساخلەمی و چه‌ندين بوارێن دی دا وەبەرهێنانێ بكەت.