ئەنداما جڤاتا نوونەرێن عیراقێ دیاركر، پێدڤییە حکومەتا عیراقێ مووچەیێ هەردوو هەیڤێن چار و پێنچ بۆ هەرێما کوردستانێ بهنێریت.
ڤیان سەبری، سەرۆکا فراکسیۆنا پارتی دیموکراتی کوردستان ل جڤاتا نوونەرێن عیراقێ ڕاگەهاند، لێکتێگەهشتنەكا باش دناڤبەرا حکومەتا هەرێما کوردستانێ و حکومەتا عیراقێ هەیە بۆ چارەسەركرنا ئاریشەیێن مووچەیێ مووچەخۆرێن هەرێما کوردستانێ، ژبەر هندێ بەری جەژنا ڕەمەزانێ دوو مووچە ل سەر ئێك یێ فەرمانبەرێن هەرێما كوردستانێ دا.
سەرۆکا فراکسیۆنا پارتی دیموکراتی کوردستان دیارکر، دەمێ هەیڤەکێ یە کو ئەم چاڤەڕێ بابەتێ مووچەیێ مووچەخۆرێن هەرێما کوردستانێ نە ژ لایێ وەزارەتا داراییا عیراقێ کو ئێکلا ببیت، د نوکە دا خەرجییێن عیراقێ دکێمن، ئەڤە دبیتە هێجەتەك کو بۆ هندێ خشتە نەهێتە پەسەندکرن، ئەڤە بوویە ئاریشە بۆ عیراق و هەرێما کوردستانێ.