مەسرور بارزانی، سەرۆکێ حکومەتا هەرێما کوردستانێ ئەڤرۆ ل سۆرا ل گەل سەرپەرشتیار و قائیممقام و ڕێڤەبەرێن ناحییان و ڕێڤەبەرێن دی ل سنوورێ ئیدارەیا سەربەخۆیا سۆران كۆمبوو.
سەرۆکێ حکومەتێ د كۆمبوونێدا، ئاماژە ب گرنگییا دەڤەرێ و خەبات و قوربانیدانا خەلكێ دەڤەرێ کر و گۆت، ” سۆران بەردەوام د پێشكەفتنێ دایە ژ ڕوویێ چاندن و بازرگانی و گەشتوگوزاری ڤە، ب تایبەت ئارمانجا مە ئەوە كو ئەڤێ دەڤەرێ بكەینە دەڤەرەكا گەشتیاری ل جیهانێ.
سەرۆکوەزیران مەسرور بارزانی بەرپرسێن دەڤەرێ ڕاسپاردن، بێ جوداهی خزمەتا وەلاتییان بکەن. ل دووماهیكێ، ئامادەبوویان چەندین پێشنیار بۆ باشترکرنا ڕەوشا خزمەتگوزارییان ل سنوورێ ئیدارەیا سەربەخۆیا سۆران بەرچاڤكرن.