بەرپرسەکێ وەزارەتا بازرگانییا هەرێما كوردستانێ، وڵاتیان دەربارێ هویرکاریێن پشکا ئاهێن خوارنێ یێن نوی ئاگەهدار دکەت و دبێژیت: "ڤێ هەیڤێ هندەک گۆهڕین ل کوژمێ دابەشکرنێ هاتنە کرن و دڤێت وڵاتی ئاگەهدار بن."
نەوزاد شێخ کامل، رێڤەبەرێ گشتیێ بازرگانی ل وەزارەتا بازرگانی و پیشەسازییا حكوومەتا هەرێما كوردستانێ ڕاگەهاند: "ل دەستپێکا ڤێ هەفتیێ، دێ دەست ب ئامادەکارییان بۆ دابەشکرنا پشکا چارێ یا خارنێ ب سەر وڵاتیان هێتە کرن و هەمی مادەیێن خوارنێ ژی ل کۆگەهان ئامادەنە."
ئاماژە بۆ وێ ژی کر، کۆ وڵاتیان ئاگەهدار دکەن، گۆهڕینەک ل کوژمێ پشکائاهێن چارێ دا هاتیە کرن، گوت: "وڵاتی ل دەمێ سەرەدانێ بۆ لایێ برێکارێن خوە ئاگەهدار بن، ڤێ هەیڤێ هندەک گۆهڕین ل کوژمێ دابەشکرنا خارنێ هاتنە کرن."
دەربارێ هویرکاریێن گۆهڕینێ، بەرپرسێ وەزارەتا بازرگانی گوت: "بۆ هەر وڵاتیەکێ دێ دووکیلۆ و نیڤێن برنجێ، ئێک کیلۆیا شەکرێ، ئێک لترا زەیتێ هێتە دان."
بەحسا وێ ژی کر، ڤێ هەیڤێ ئارینۆک ناهێتە دابەش کرن، ل جهێ وێ بۆ هەر وڵاتییەکێ دێ ئێک کیلۆیا نیسکێ هێتە دان."
نەوزاد شێخ کامل زەلال ژی کر: "دەربارێ دۆشاڤا تەماتێ، بۆ هەر وڵاتییەکێ دێ چارسەد گرام هێنە دان، کۆ پشکا پێنجێیە، ژبەرکۆ هەیڤا بووری ژی پشکا سێ و چار پێکڤە هاتیە دابەش کرن."