ئەڤرۆ ئێك شەمبی 12ێ ئایارێ، سەرۆك بارزانی، پەیامەك د سالڤەگەرا ل سێدارەدانا لەیلا قاسم و هەڤالێن وێ بڵاڤکر و ئاماژە ب وێ كر، لەیلا قاسم نموونا بلند یا ئافرەتێن كوردە كۆ دیرۆک بۆ خۆ و گەلێ خۆ دروست كر.
دەقێ پەیاما سەرۆك بارزانی
پەیاما سەرۆك بارزانی بۆ سالڤەگەرا ل سێدارەدانا لەیلا قاسم و هەڤالێن وێ
ب ناڤێ خودێ مەزن و دلۆڤان
لەیلا قاسم نموونا بلند یا ئافرەتێن کوردە كۆ دیرۆک بۆ خۆ و گەلێ خۆ دروست كری. وێ شەهیدبوون وەك شانازییەك قەبوول كر بەلێ سەرێ خۆ بۆ جەللاد و دوژمنان شۆڕ نەكر، لەیلا قاسم و هەڤالێن وێ بۆ هەمییان وانە و سەرمەشقن كۆ وەفاداری بۆ ولات و بیروباوەڕ و مەرگێ سەربلندانە، گەلەک پڕبەهاترە ل ژیانا بندەستیێ.
ل پێنجەهەمین سالڤەگەرا ل سێدارەدان و شەهیدكرنا لەیلا قاسم و نەریمان فوئاد مەستی و حەسەن حەمە ڕەشید و ئازاد سلێمان میران و جەواد هەمەوەندی سڵاڤ بۆ گیانێ وانا یێ پاك و هەمی شەهیدێن ڕێکا ئازادیێ.
مەسعود بارزانی
12ێ ئایارا 2024