پایسكلڤانه‌كێ مه‌غربی بژڤانه ئه‌ڤ ساله ب پایسكێ بچیتە حەجێ و پشتى د چه‌ندین وه‌لاتان رڕا ده‌ربازبووى، ئه‌ڤرۆ رۆژا ئێكشه‌مبی 12/5/2024 ب رێكا خالا ئیبراهیم خه‌لیل گه‌هشته ئیراقێ و به‌رى نیڤرۆ گه‌هشته د ناڤا باژێرێ دهۆكێ دا.
پایسكلڤانێ مه‌غربی، سلێمان سه‌عید محه‌مه‌د، بۆ ئه‌ڤرۆ نیۆز ئاشكراكر كو ژ باژێرێ (دار به‌یزا) پایته‌ختێ وه‌لاتێ مه‌غرب ده‌ست ب گه‌شتا خوه یا چوونا حه‌جێ كریه و هه‌تا نوكه د ناڤا وه‌لاتێن (ئسپانیا، فرەنسا، ئیتالیا، سلوڤینیا، صربیا، كرواتییا، هنگاریا، توركیا) دا ده‌ربازبوویه نوكه گه‌هشیته ئیراقێ و ل دووڤ دا به‌ر ب وه‌لاتێ ئوردن پاشان سعودیێ ب مه‌ره‌ما ئه‌داكرنا حه‌جێ ڤه چیت.
هه‌مان پایسكلڤان ئه‌و ژى دیاركر كو دێ د ڤێ گه‌شتا خوه دا بژڤانه 2200كم ببڕیت و لدیل دووڤ پلانا بخوه دانایى ماوێ سێ هه‌یڤ و نیڤان دا دێ گه‌شتا وى ب دووماهى هێت.