د. ئه‌فراسیاب مووسا ڕێڤه‌به‌رێ گشتییێ ساخله‌مییا دهۆكێ ڕاگه‌هاند، ئارمانجا وان ئه‌وه خزمه‌تا ساخله‌مییێ به‌رفره‌هبكه‌ن، ئێدى وه‌لاتى پێدڤى ب هندێ نه‌بن بۆ هه‌ر نه‌خۆشییه‌كێ بهێنه ناڤ باژێران، بزاڤێ دكه‌ن ل قه‌زا و ناحییان نه‌خۆشخانه‌یان ڤه‌كه‌ن و كارمه‌ند و كه‌لوپه‌ل و ئامیرێن نۆشدارى بۆ دابین بكه‌ن.
ئاماژه ب هندێ ژى دا، نەخوشخانەک ژ جورێ A ل ناحیا دینارتێ د قوناغێن داویێ یێن جێبەجێکرنێ دایە هەروەها نه‌خۆشخانه‌یا شێلادزێ دێ ب 43 ملیۆن دۆلاران هێته دروستكرن و خزمه‌تا ده‌ڤه‌را ئامێدییێ كه‌ت، تماما كه‌لوپه‌ل و ئامیرێن نۆشدارى دێ بۆ هێنه دابینكرن و نه‌خۆشان حه‌وینیت.
سه‌باره‌ت نه‌خۆشخانه‌یا په‌نجه‌شێرێ ئاشكراكر، نه‌خۆشخانه‌یا هه‌وارهاتنا دهۆكێ دێ هێته نووژه‌نكرن و بۆ نه‌خۆشێن په‌نجه‌شێرێ هێته ته‌رخانكرن، تاقیگه‌هێن پێشكه‌ڤتى ل وێ نه‌خۆشخانه‌یێ دێ هێنه دانان، نه‌خۆشخانه‌یه‌ك بۆ زارۆیێن په‌نجه‌شێرێ ژى دێ هێته دروستكرن.