سەرۆکێ هەرێما کوردستانێ ئەڤرۆ پێشوازی ل شاندەکا سیناتۆرێن ئەمریکی کر و د کۆمبوونەکێ دا چەندین دانوستاندن دەربارەی رەوشا هەرێما کوردستانێ و ئیراقێ و دەڤەرێ کرن.
سەرۆکاتییا هەرێما کوردستانێ راگەهاند: سەرۆک نێچیرڤان بارزانی، ئەڤرۆ پێشوازی ل سیناتۆر جۆنی ئێرنتس و سیناتۆر تێد باد و شاندا ل گەل کر و د کۆمبوونەکێ دا کو بالیۆزا ئەمریکا ل ئیراقێ و کونسولێ گشتی یێ ئەمریکا ل هەولێرێ دئامادەبوون، بەحسا کێشەیێن د ناڤبەرا هەولێرێ و بەغدایێ دا و پاشەرۆژا هەرێما کوردستانێ و ئیراقێ کر.
د هەمان کۆمبوون دا خواستا هەردو ئالییان بۆ پێشڤەبرنا پەیوەندییێن د ناڤبەرا ئەمریکا و هەرێما کوردستانێ و ئەمریکا و ئیراقێ هاتە دیارکرن.
شاندا ئەمریکی پەسنا رۆلێ پێشمەرگەی دا، ب تایبەت د شەڕێ ل دژی داعشێ دا و ل گۆرەی سەرۆکاتییا هەرێما کوردستانێ، د کۆمبوونێ دا ژمارەکا دی یا بابەتێن بۆ هەردو ئالییان دگرنگ، هاتنە بەحسکرن