وه‌تسئه‌پ هه‌ر ژ ده‌مێ دامه‌زراندنا وێ ل سالا 2009 و تا نوكه د پێشڤه‌چوونێن به‌رده‌وام دایه و سێیه‌م ئه‌پلیكه‌یشنێ سۆشیال میدیایێ یه ل گۆره‌ى ژماره‌یا بكارهینه‌ران پشتى فه‌یسبووكى و یوتیۆبى ل جیهانێ هه‌روه‌سا ئه‌پلیكه‌یشنێ چه‌تى یێ ئێكێ یه ل جیهانێ.
ل گۆره‌ى راپۆرتان، ژ به‌ر ژماره‌یه‌كا ئه‌گه‌ران وه‌تسئه‌پ شیایه ببیته ئه‌پلیكه‌یشنێ ئێكێ یێ چه‌تی و دانوستاندنێ ل سه‌ر ئاستێ جیهانێ ژ وان ژى:
1. ئه‌پلیكه‌یشن ب هه‌روه‌یى یه: بۆ بكارئینانا وه‌تسئه‌پى، بكارهینه‌رى ب تنێ پێدڤى ب هه‌بوونا ئه‌نترنێتێ هه‌یه و پێدڤى ب دانا پاره‌ى به‌رانبه‌ر بكارئینانا ئه‌پلیكه‌یشنى نابیت.
2. ل سه‌ر ئامیره‌یێن جودا جودا كار دكه‌ت: ساناهییا كاركرنێ یا وه‌تسئه‌پى ل سه‌ر ئامیره‌یێن جودا جودا ژ وان ژى یێن iOS و ئه‌ندرۆید هاتیه سه‌لماندن.
3. ساده‌یى: بكارئینانا وه‌تسئه‌پى یا ساده‌یه و ژ بۆ ڤرێكرنا نامه‌یه‌كێ بۆ كه‌سه‌كى ب تنێ بكارهینه‌رى پێدڤى ب هه‌بوونا ژماره‌یا ته‌له‌فۆنێ یا وى كه‌سى هه‌یه.
4. نه‌بوونا ریكلامان: نه‌بوونا ریكلامان د وه‌تسئه‌پى دا ب ئێك ژ ئه‌گه‌رێن هێزا وێ یا جه‌ماوه‌رى دهێته هژمارتن.