ئاماره‌كا ئابوورى یا نوى راگه‌هاندیه؛ هه‌تا هه‌یڤا نیسانێ یا بۆرى سه‌رجه‌مێ قه‌ڕێن ناڤخۆیى ل سه‌ر ئیراقێ گه‌هشتیه پتر ژ 76 تریلیۆن دیناران.
ل گۆره‌ى سازییا ئیراقا پاشه‌رۆژێ یا لێكۆلین و شیره‌تكارییێن ئابوورى، سه‌رجه‌مێ قه‌ڕێن ناڤخۆیى ل ئیراقێ هه‌تا هه‌یڤا نیسانێ یا ئه‌ڤ ساله 2024 گه‌هشتیه 76.9 تریلیۆن دیناران، ل ده‌مه‌كێ ل هه‌یڤا ئادارێ سه‌رجه‌مێ قه‌ڕان 73.2 تریلیۆن دینار بوون.
ب ڤێ چه‌ندێ، سه‌رجه‌مێ قه‌ڕێن ناڤخۆیى ل سه‌ر ئیراقێ ژ هه‌یڤا ئادارێ یا ئه‌ڤ ساله هه‌تا هه‌یڤا نیسانێ ب رێژه‌یا 5% زێده‌بوویه.
هه‌روه‌سا ل سه‌ر ئاسته‌كێ سالانه ژى، سه‌رجه‌مێ قه‌ڕێن ناڤخۆیى ل سه‌ر ئیراقێ ب رێژه‌یا 10.39% زێده‌بوویه.
هه‌ر ل گۆره‌ى وێ سازییێ؛ قه‌ڕێن ناڤخۆیى د نوكه دا رێژه‌یا 20% ژ سه‌رجه‌مێ داهاتێ ناڤخۆیى پێكدئینیت