ئەڤرۆ50 سال ب سه‌ر سێداره‌دانا له‌یلا قاسم، ئێكەم كچا شه‌هید یا بزاڤا ڕزگاریخوازا كوردستانێ و هەرچار هەڤالێن وێ دا دەربازبوون.
لەیلا قاسم ل سالا 1952 ل گوندێ بانمیل یێ سەر ب باژێڕێ خانەقین ژ دایكبوویە. ڕژێما بەعس ب مەبەستا چاڤ ترساندنا لاوان و قۆتابییان و ڕەۆشنبیرێن كورد، پشتی دەستەسەركرنا لەیلا قاسم و هەڤالێن وێ د دادگەهكرنەكا نەدادپەروەرانە دا ڕاستەوخۆ بڕیارا سێدارەدانێ بۆ دەركر و ل دەمژمێر 7ی سپێدەهییا ڕۆژا 12ی ئایارا سالا 1974 لەیلا قاسم و ھەرچار هەڤالێن وێ ب ناڤێن جەواد ھەمەوەندی، نەریمان فوئاد، حەسەن حەمەڕەشید و ئازاد سلێمان هاتنە سێدارەدان.