مەسرور بارزانى، سه‌رۆكێ حکومەتا هه‌رێما كوردستانێ پێشوازی ل جينين پلاسخارت، نوونەرا تایبەت یا سكرتێرێ گشتيیێ نه‌ته‌وەيێن ئێكگرتی ل عیراقێ کر.
بابەتێ سەرەکییێ كۆمبوونێ، گرنگییا ئەنجامدانا هەلبژارتنێن پەرلەمانێ کوردستانێ بوو. سەرۆکوەزیران مەسرور بارزانی پشتەڤانییا خۆ بۆ ئەنجامدانا هەلبژارتنان دووپات كر و دیاركر، كو پێدڤیە هەلبژارتن د ڕەوشەكا ئاسایی و یاسایی و دویر ژ پێشێلکارییێن دەستووری و دەستوەردان و دیزاینێن پێشوەخت بهێنە ئەنجامدان و ڕێز ل قەوارەیێ دەستوورییێ هەرێما کوردستانێ و مافێن پێکهاتەیێن نەتەوەیی و ئاینێن کوردستانێ بگریت.
هەروەسا سەرۆکێ حکومەتا هەرێما کوردستانێ، دووپات ل گرنگییا ڕۆلێ جڤاكێن نیڤدەولەتی د چاڤدێریكرنا پرۆسەیا هەلبژارتنان کر داكو ب شێوەکێ پاقژ بهێنە ئەنجامدان.
د كۆمبوونێدا، هەردوولا د هەڤڕابوون ل سەر نەهێلانا ئاریشەیێن بەردەم هەلبژارتن و گەهشتنا لایەنان ب چارەسەریان ژ پێخەمەت پاراستنا پرۆسەیا دیموکراسی و سەقامگیرییا هەرێما کوردستانێ.