ئەڤرۆ ل سەلاحەددین سەرۆك مەسعود بارزانی پێشوازی ل یاکۆ بێریندز، کونسۆلێ گشتییێ هۆلەندا و کلاوس شترایشەر، کونسۆلێ گشتییێ ئەلمانیا ل هه‌ولێرێ كر.
د دیدارێدا باس ل بابەتێ هەلبژارتنێن پەرلەمانێ هەرێمێ، هەلویست و تێبینییێن پارتی دیموكراتی كوردستان سەبارەت ب هەلبژارتنان هاتە كرن، كونسۆلێ هۆلەندا و ئەلمانیا پشتەڤانییا وەلاتێ خۆ بۆ ئەنجامدانا هەلبژارتنێن دادپەروەرانە دیاركر.
سەرۆك بارزانی ستایشا ڕۆلێ هه‌ردوو وەلاتێن هۆله‌ندا و ئەلمانیا یێن دۆست کر د پشتەڤانیكرنا دۆزا گەلێ كوردستانێدا، هەروەسا سەرۆك بارزانی دووپات كر کو پارتی دیموکراتی کوردستان دامەزرێنەرا شەرعیەت و هەلبژارتنانە ل کوردستانێ و د دەمێ دوو سالێن بووریدا پارتی هەمی بزاڤكرینە بۆ هەلبژارتن د دەمێ خۆ دا بهێنە كرن، بەلێ ڕێگری لێ دهاتە گرتن.
سەرۆك بارزانی دیاركر، كو پارتی دیموکراتی کوردستان پشتەڤانییێ ل ئەنجامدانا هەلبژارتنەكا ئازاد و دادپەروەرانە دکەت بێی چ دەستێوەردانەك و داڕشتنەكا پێشوەخت دناڤدا هەبیت.