ئاماده‌كارییێن بجهئینانا بریارا سه‌رۆكێ حكومه‌تا هه‌رێما كوردستانێ بۆ پێدانا پارچێن ئه‌ردى ب فه‌رمانبه‌ران ده‌ستپێكرن، هه‌ر فه‌رمانبه‌ره‌كێ به‌رى نوكه ژ ڤێ بریارێ مفادار نه‌بووی، دێ پارچه‌كا ئه‌ردى دناڤبه‌را 200 بۆ 250 مه‌تراندا وه‌رگریت.
ساسان عه‌ونى وه‌زیرێ باژێرڤانى و گه‌شتوگوزارێ وه‌كو پێنگاڤا ئێكێ یا بجهئینانا بریارا مه‌سرور بارزانى سه‌رۆكوه‌زیرێن هه‌رێما كوردستانێ، دگه‌ل سه‌رۆكێن باژێرڤانییێن هه‌موو پارێزگه‌هـ و ئیداره‌یێن سه‌ربه‌خۆ یێن هه‌رێما كوردستانێ كۆمبوو.
دكۆمبوونێدا داخواز ژ وه‌زاره‌تان هاته‌كرن، لیسته‌یا مووچه‌یێ فه‌رمانبه‌رێن خوه بهنێرن داكو ئه‌وان كه‌سان ده‌ستنیشانبكه‌ن یێن به‌رى نوكه پارچه‌كا ئه‌ردى ژ حكومه‌تێ وه‌رگرتى.
ئه‌و پارچێن ئه‌ردى یێن دێ ب سه‌ر فه‌رمانبه‌راندا هێنه به‌لاڤكرن، دێ دناڤبه‌را 200 بۆ 250 مه‌تراندابن