ڕۆژا پێنجشەمبی 25ـێ نیسانا 2024ـێ ل سەلاحەددین سەرۆك مەسعود بارزانی پێشوازی ل قەداسەتی پاتریاك مارئاوای سێیەم پاتریاكێ كەنیسەیا ڕۆژهەلاتا ئاشوور ل جیهان و مەتران یا (كۆمەلەیا پیرۆز) كر.
د دیدارێدا پاتریاك مارئاوایێ سێیەم پێزانین بۆ ڕۆلێ سەرۆك بارزانی هەبوو د پشتەڤانیكرنا پێكهاتەیێن ئایینی یێن هەرێما كوردستان و عیراقێ و هەروەسا سوپاسییا سەرۆك بارزانی كر بۆ ڤەكرنا بارەگایێ سەرەکی یێ پاتریاك ل باژێرێ هەولێرێ كو ئاماژەیەكا ڕوونە بۆ پابەندبوونا هەرێما كوردستانێ ب پێكڤەژیانا ئایینی. هەروەسا سوپاسیییا سەرۆك بارزانی ژی كر بۆ ئەو هەلویستێ ل سەر بڕیارا نەدەستووری یا دادگەها فیدڕال بۆ نەهێلانا دویماهیا پێكهاتەیان و ڕاگەهاند كو هەلویستێ سەرۆك بارزانی نیشانەیە بۆ مرۆڤدۆستانە و وەفایەكە بۆ پێكڤەژیان و تەڤاهییێ ل هەرێما كوردستان و عیراقێ.
هەر د دیدارێدا سەرۆك بارزانی هەبوونا فەرهەنگییا پێكڤەژیانێ ل كوردستانێ وەك شانازییەكا مەزن وەسف كر و دووپات ل هندێ كر ب هەمی شێوەیەكی پارێزگارییێ ل فەرهەنگەها دكەین. سەرۆك بارزانی دیاركر ب بڕیارا نەدەستووری یا نەهێلانا كۆتایان دا و تەئكید ل هندێ كر كو بێ ڕاستكرنا ئەڤێ خەلەتییێ و بێ پشكدارییا پێكهاتەیان ئامادە نین پشكدارییێ د هەلبژارتناندا بكەین، چونكە بێبەشكرنا پێكهاتەیان لێدانە ل بهایێن دیرۆكی یا گەلێ مە.