سەقاناسییا دهۆکێ پێشبینییێن سەقایێ ڤێ حەفتییێ و حەفتییا بهێت راگەهاندن و دیارکر: ئەڤرۆ دێ تۆز هندەک دەڤەران گریت و ژ دوسبە دێ بارانبارین دەستپێکەت.
سەقاناسییا دهۆکێ ئەڤرۆ رۆژا دوشەمبی راگەهاند: هەر ئەڤرۆ دێ پێلەکا تۆزێ دەڤەرێن رۆژئاڤا و باکۆرێ رۆژئاڤایێ ئیراقێ گریت و ل گۆرەی ئەو نەخشەیێ سەقاناسییێ بەلاڤ کری، پێلا تۆزێ دێ ل پارێزگەها نەینەوا یا دژوار بیت و دبیت ب سڤکی هندەک دەڤەرێن باشۆرێ رۆژئاڤایێ دهۆکێ ژی بگریت.
هەر ل گۆرەی پێشبینییێن سەقاناسییا دهۆکێ، هەر ژ دوسبە رۆژا چارشەمبی کو دبیتە ئێکی مەها گولانێ، پێلەکا دژوار یا بارانێ دێ سەرتاسەری هەرێما کوردستانێ ڤەگریت و ئەو پێل دێ بۆ دەما حەفتییەکێ ل جهـ و دەڤەرێن جودا و ب رێژەیێن جودا یا بەردەوام بیت