سەرۆكێ حكومەتا هەرێما كوردستانێ د بیرەوەرییا جینۆسایدا كوردێن فەیلی دا پەیامەك بەلاڤكر و تێدا ڕاگەهاند، " جینۆسایدا كوردێن فەیلی، تاوانەكا ژبیرنەكری یە و پشكەكە ژ وان تاوانێن كو ب ئارمانجا ژناڤبرن و نەهێلانا ناسناما گەلێ كوردستانێ هاتینە ئەنجامدان. "
د پەیاما مەسرور بارزانی دا هاتییە:
د 44 سالیا بیرەوەرییا جینۆسایدكرنا كوردێن فەیلی دا، ب ڕێزڤە یادا هەمی وان خویشك و برایێن كوردێن فەیلی دكەین یێن كو د هەوەكا دڕندانە یا ڕژێما پێشتر یا عیراقێ دا، بتنێ ژبەر كوردبوونا خۆ و پشتەڤانیكرنا شوڕەشا گەلێ كوردستانێ، ڕوویبڕووی گرتن و كوشتن و بێسەروشوینكرن و ژێستاندنا ناسنامێ بووین.
جینۆسایدا کوردێن فەیلی، تاوانەكا ژبیرنەكری یە و پشكەكە ژوان تاوانێن كو ب ئارمانجا ژناڤبرن و نەهێلانا ناسناما گەلێ كوردستانێ هاتینە ئەنجامدان.
پێدڤییە حکومەتا عیراقێ بەرپرسیارەتییا خۆ یا ئەخلاقی و دەستووری جێبەجێبکەت و ب شێوەیەکێ شایستە قەرەبوویا کوردێن فەیلی و هەمی قۆربانییێن دەستێ ڕژێما بەعس بكەت.
ل بیرەوەرییا جینۆسایدکرنا کوردێن فەیلی، سەرێ ڕێز و نەوازەشێ بۆ گیانێ پاك یێ شەهیدێن کوردێن فەیلی و گشت شەهیدێن کوردستانێ دچەمینین