ئه‌ڤرۆ شه‌مبی 27ێ 4ێ 2024، نه‌ته‌وێن ئێکگرتی ل عێراقێ، دەربارێ هێرشا سه‌ر كێلگه‌ها غازا كۆرمۆر، ل بەرپەرێ خۆ ل تۆڕا (ئێكس)، ڕاگه‌هاندنەک بڵاڤکر و تێدا هاتیه، هێرشا سەر کێلگەها غازا کۆرمۆر شەرمزار دکەین کۆ کەهرەبێ بۆ هەرێما کوردستانێ دابین دکەت.
ئه‌و ژی دیار کر، مە سەرساخی بۆ خێزانێن قوربانییان هه‌یه و هیڤیا چێبوونا بلەز ژی بۆ برینداران دخوازین و پێشوازیێ ژ ڤەکۆلینێ دکەین بۆ دەستنیشانکرنا ئەنجامدەرێن وێ كریارێ و دادگەهیکرنا وان.
ئێڤاریا دوهی ئەینی، 26ێ نیسانێ، ب دڕۆنێ هێرش بۆ سەر كێلگەها غازا كۆرمۆر هاتە کرن، ب ئەگەرێ وێ روویدانێ چار كارمەندێن بیانی ب رەگەز (یەمەنی) ژیانا خۆ ژدەست دایە، چەند كارمەندێن دی تر ژی بریندار بوون، زیانێن مەزن گەهشتنە كێلگەهێ، هەڤدەم بوویە ئەگەرێ كێمبوونا كەهرەبێ ل هەرێما كوردستانێ.
هەر پشتی روویدانێ مەسرور بارزانی، سەرۆكێ حكوومەتا هەرێما كوردستانێ، د پەیامەكێدا راگەهاند: ل دیف زانیاریێن دەست پێکێ، ئەو هێرش ل دەڤەرەکا نزیك ئاخا عێراقێ دهێتە ئەنجام دان