ڤیان سەبری، سەرۆکا فراکسیۆنا پارتی ل جڤاتا نوونەرێن عیراقێ ڕاگەهاند، ئەم وەكو فراکسیۆنا پارتی دیموکراتی کوردستان و وەك نوینەرێن خەلكێ كوردستانێ گەلەك كەیفخۆشین ب ڕێككەفتنا دناڤبەرا حکومەتا هەرێما کوردستانێ و حکومەتا عیراقێ کر، ژبەركو داخوازییا مە هەر ئەو بوو كو مووچەیێ فەرمانبەران د دەمێ خۆدا بگەهیتە دەستێ وان.
سەرۆکا فراکسیۆنا پارتی گۆت، ئیرادەیا حكومەتا هەرێما كوردستانێ د چارەسەركرنا ئەوان ئاریشەیاندا دیاربوو، پێدڤییە هەمی فڕاكسیۆنێن كوردستانێ ل پەرلەمانێ عیراقێ پێكڤە كاربكەن بۆ هنارتنا مووچەیێ فەرمانبەران د دەمێ خۆ دا.
ڤیان سەبری دیاركر، ئەگەر مە مووچەیێ فەرمانبەرێن هەرێما کوردستانێ ژ "ئینفاقی فیعلی" بینین بداینە سەر "ئینفاقی حاکیمە" بێگومان دێ گەلەك باش بیت، پێدڤییە ژی پشتی جەژنا ڕەمەزانێ بابەتێ هەموارکرنا بودجەیی بهێتە ئێكلا كرن.