سه‌رۆك مه‌سعوود بارزانى، په‌یامه‌ك د یادا سیهـ و شاش سالییا ئه‌نفالان دا به‌لاڤكر و راگه‌هاند، ئه‌نجامده‌رێن تاوانێن ئه‌نفالان چوونه د زبلدانا دیرۆكێ دا.
سه‌رۆك مه‌سعوود بارزانى ئه‌ڤرۆ ئێكشه‌مبێ 14-4-2024ێ په‌یامه‌ك د یادا ئه‌نفالان دا به‌لاڤكر و راگه‌هاند، پێلا ئه‌نفالان ئێك ژ وان تاوانێن هه‌ره مه‌زن یێن رژێما پێشتر یا ئیراقێ بوو كو ئارمانجا وان ژناڤبرن و قڕكرنا مرۆڤێ كورد بوو، د وێ كۆمكوژی و جینۆسایدێ دا كو ب چه‌ند قۆناغ و شێوه‌یێن رێكخستى بۆ سه‌ر هه‌مى ناوچه‌یێن هه‌رێما كوردستانێ هاته‌كرن، هزاران گوند هاتنه وێرانكرن و ب پلانا ته‌عریبێ و ڤه‌گوهاستنا ب زۆرى و تێكدانا ژێرخانا ئابۆرى، دیمۆگرافى، جڤاكى، ده‌روونییا كوردستانێ تێكدا.
سه‌رۆك بازرانى دبێژیت ژى تاوانا ئه‌نفالان ب شێویه‌كى رێكخستى ژ ئالیێ رژێما به‌عس ڤه هه‌مبه‌رى گه‌لێ كورد هاته‌كرن.
هه‌روه‌سا دیاردكه‌ت، راسته ئه‌نجامده‌رێن وێ تاوانێ تووشى شكه‌ستنێ بوون و كه‌فتنه زبلندانا دیرۆكێ، به‌لێ هێشتا شینوارێن وێ جینۆسایدێ و زولما ل دژى گه‌لێ كورد هاتیه‌كرن مایه و برینێن وێ نه‌هاتینه ده‌رمانكرن، زێده‌بارى وێ سته‌ما مه‌زن یا ل گه‌لێ كورد هاتییه‌كرن ب لێبۆرین ڤه هێشتا ده‌نگ و ره‌نگێ شۆفێنیه‌تێ بۆ دژایه‌تیكرنا گه‌لێ كورد د ناڤا ده‌وله‌تا ئیراقێ دا دهێته دیتن.
گۆتژى: ئه‌ركێ ل سه‌ر ملێن سازیێن فه‌رمى یێن ئیراقێ یه كارى بۆ قه‌ره‌بووكرنا قوربانیێن ئه‌نفال و جینۆسایدێ بكه‌ت و پێدڤیه رێ ل هه‌موو وان جۆره بزاڤ و سیاسه‌تا شویم بهێته‌گرن كو ب دیتنه‌كا شۆفێنى ته‌ماشه‌یى مافێن گه‌لێ كوردستانێ دكه‌ن.
هه‌ر د ڤێ یادێ دا سه‌رۆك بارزانى رێز بۆ قوربانی و خۆڕاگرییا كه‌سوكارێن شه‌هید و ئه‌نفالكرییان هه‌بوو و سلاڤ ژى بۆ شه‌هیدێن رێكا ئازادییا كوردستانێ هنارتن.
سه‌رۆك مه‌سعوود بارزانى ئه‌ڤرۆ ئێكشه‌مبێ 14-4-2024ێ په‌یامه‌ك د یادا ئه‌نفالان دا به‌لاڤكر و راگه‌هاند، پێلا ئه‌نفالان ئێك ژ وان تاوانێن هه‌ره مه‌زن یێن رژێما پێشتر یا ئیراقێ بوو كو ئارمانجا وان ژناڤبرن و قڕكرنا مرۆڤێ كورد بوو، د وێ كۆمكوژی و جینۆسایدێ دا كو ب چه‌ند قۆناغ و شێوه‌یێن رێكخستى بۆ سه‌ر هه‌مى ناوچه‌یێن هه‌رێما كوردستانێ هاته‌كرن، هزاران گوند هاتنه وێرانكرن و ب پلانا ته‌عریبێ و ڤه‌گوهاستنا ب زۆرى و تێكدانا ژێرخانا ئابۆرى، دیمۆگرافى، جڤاكى، ده‌روونییا كوردستانێ تێكدا.
سه‌رۆك بازرانى دبێژیت ژى تاوانا ئه‌نفالان ب شێویه‌كى رێكخستى ژ ئالیێ رژێما به‌عس ڤه هه‌مبه‌رى گه‌لێ كورد هاته‌كرن.
هه‌روه‌سا دیاردكه‌ت، راسته ئه‌نجامده‌رێن وێ تاوانێ تووشى شكه‌ستنێ بوون و كه‌فتنه زبلندانا دیرۆكێ، به‌لێ هێشتا شینوارێن وێ جینۆسایدێ و زولما ل دژى گه‌لێ كورد هاتیه‌كرن مایه و برینێن وێ نه‌هاتینه ده‌رمانكرن، زێده‌بارى وێ سته‌ما مه‌زن یا ل گه‌لێ كورد هاتییه‌كرن ب لێبۆرین ڤه هێشتا ده‌نگ و ره‌نگێ شۆفێنیه‌تێ بۆ دژایه‌تیكرنا گه‌لێ كورد د ناڤا ده‌وله‌تا ئیراقێ دا دهێته دیتن.
گۆتژى: ئه‌ركێ ل سه‌ر ملێن سازیێن فه‌رمى یێن ئیراقێ یه كارى بۆ قه‌ره‌بووكرنا قوربانیێن ئه‌نفال و جینۆسایدێ بكه‌ت و پێدڤیه رێ ل هه‌موو وان جۆره بزاڤ و سیاسه‌تا شویم بهێته‌گرن كو ب دیتنه‌كا شۆفێنى ته‌ماشه‌یى مافێن گه‌لێ كوردستانێ دكه‌ن.
هه‌ر د ڤێ یادێ دا سه‌رۆك بارزانى رێز بۆ قوربانی و خۆڕاگرییا كه‌سوكارێن شه‌هید و ئه‌نفالكرییان هه‌بوو و سلاڤ ژى بۆ شه‌هیدێن رێكا ئازادییا كوردستانێ هنارتن.