وه‌زاره‌تا كار و كاروبارێن جڤاكى لیسته‌یا خۆدان پێدڤییێن تایبه‌ت ئاماده‌كر، داكو مووچه‌یێ وان هندى یێ حكومه‌تا عیراقێ لێ بهێت.
ل دووشه‌مبییا بوورى په‌رله‌مانێ عیراقێ قانوونا خۆدان پێدڤییێن تایبه‌ت یا سالا 2013ێ هه‌مواركر و زێده‌كرنا مووچه‌یێ خۆدان پێدڤیێن تایبه‌ت ژ 170 هزار دیناران بۆ 250 دیناران په‌سه‌ندكر.
حكومه‌تا هه‌رێما كوردستانێ كار ل سه‌ر هندێ دكه‌ت ئه‌و بریاره هه‌رێما كوردستانێ ژى ڤه‌گریت و لژنه‌یه‌ك بۆ ڤێ مه‌ره‌مێ پێكئینایه، ئه‌گه‌ر ئه‌ڤێ بریارێ هه‌رێم ڤه‌گرت، دێ 100 هزار دینار یان زێده‌تر ل سه‌ر مووچه‌یێ خۆدان پێدڤییێن تایبه‌ت یێن هه‌رێمێ زێده‌بن، ل ڤان نێزیكان لیسته دێ تمام بیت و ڕه‌وانه به‌غدا هێته‌كرن.
ل هه‌رێما كوردستانێ 100 هزار خۆدان پێدڤییێن تایبه‌ت هه‌نه، 63 هزار و 200 ژ وان مووچه‌یێ 150 هزار دینارى وه‌ردگرن، شه‌ش هزار و 800 ژى فه‌رمانبه‌رێن حكومه‌تێنه و 100 هزار دینار وه‌كو ده‌رماله ب وان دهێنه دان.