راپۆرته‌كێ ئاماژه ب وێ چه‌ندێ كریه؛ د سالا 2024 دا مه‌زنترین ژماره‌یا ملیاردێران ل جیهانێ هاتیه تۆماركرن ئه‌و ژى نزیكى 2781 ملیاردێرانه ب زێده‌بوونا ب 141 ملیاردێران ب هه‌ڤبه‌ركرن ل گه‌ل سالا بۆرى و 26 ملیاردێران ب هه‌ڤبه‌ركرن ل گه‌ل نمره‌یا پیڤایى یا ل سالا 2021 هاتیه تۆماركرن.
ل گۆره‌ى فۆربس؛ هه‌ر ژ سالا 2023 تا نوكه، هه‌ر 20 ملیاردێرێن ده‌ستپێكێ ل جیهانێ پێكڤه 700 ملیار دۆلار ل سامانێ خۆ زێده‌كرینه.
دیار ژى كریه؛ پترین ملیاردێر ل جیهانێ ل ئه‌مریكا نه كو ژماره‌یا وان 831 ملیاردێرن، ل دویڤ دا ل چینێ نه كو ژماره‌یا وان 473 نه و پاشى ل هندێ نه كو 200 ملیاردێرن.
ده‌وله‌مه‌ندترین كه‌س ل گۆره‌ى لیستا نوى یا فۆربس ل جیهانێ، بێرنارد ئارنۆ یێ فره‌نسى یه بزنسمانێ بیاڤێ مودێلان كو نزیكى 75 نیشانێن بازرگانى یێن جلكان و كه‌لوپه‌لێن جوانكاریێ هه‌نه، سامانێ وێ 233 ملیار دۆلارن.
ئیلۆن ماسك یێ ئه‌مریكى خۆدانێ كۆمپانیێن تێسلا، سپه‌یس ئێكس و كۆمپانیا ئێكس ل رێزا دوێ دهێت ب سامانێ 195 ملیار دۆلاران.
ل ده‌مه‌كێ جێف بیزۆس یێ ئه‌مریكى دامه‌زرێنه‌رێ ئه‌مازۆن ب سامانێ 194 ملیار دۆلاران ل رێزا سیێ دهێت، هه‌روه‌سا مارك زوكربێرگ یێ ئه‌مریكى خۆدانێ كۆمپانیا مێتا ب سامانێ 177 ملیار دۆلاران ل رێزا چارێ دهێت.