مه‌سرور بارزانى سه‌رۆكێ حكومه‌تا هه‌رێما كوردستانێ، پشتى سه‌ره‌دانه‌كا فه‌رمى بۆ ئه‌مریكا، ئه‌ڤرۆ 7-3-2024ێ گه‌هشته هه‌ولێرێ.
سه‌رۆكێ حكومه‌تێ ل واشنتۆن دگه‌ل به‌رپرسێن بلندێن كۆچكا سپى، كۆنگرێس، وه‌زاره‌تا ده‌رڤه، پێنتاگۆن و وه‌زاره‌تا گه‌نجینه‌یا ئه‌مریكا كۆمبوو، هه‌روه‌سا چاڤێ وى ب جۆرج ده‌بلیۆ بووش سه‌رۆكێ پێشتر یێ ئه‌مریكا كه‌ڤت.
مه‌سرور بارزانى دكۆمبوون و دیدارێن خوه‌دا، دووماهى گوهۆرین و پێشهاتێن ڕه‌وشا گشتییا عیراقێ و هه‌رێما كوردستانێ، گرنگییا ڕێزگرتنێ ل قه‌واره‌یێ ده‌ستوورییێ هه‌رێما كوردستانێ، دابینكرنا مافێن ده‌ستووری و شایسته‌یێن داراییێن خه‌لكێ كوردستانێ، پاراستنا مافێ پێكهاته‌یان و پرۆسه‌یا ده‌ستپێكرنا هنارتنا په‌ترۆلا كوردستانێ دگه‌ل به‌رپرسێن بلندێن ئه‌مریكا گوتوبێژكرن.