پشکا پێشبینییا وەزارەتا ڤەگوهاستن و گەهاندنا حكوومەتا هەرێما كوردستانێ، هۆشدارییەك دەربارێ سەقای بۆ ولاتییان بڵاڤکر.
ئەڤرۆ ئێكشەمبی 24 /3 /2024، پشکا پێشبینییا وەزارەتا ڤەگوهاستن و گەهاندنێ، هۆشدارییەك دەربارێ سەقای بڵاڤکر، تێدا دیار کر، د ئەنجامێ کاریگەرییا دوو نزمەپالەپەستۆیا دەریایا سوور و کەنداڤێ عەرەبی، پشتی نیڤرۆیا ئەڤرۆ پێلەکا دی یا بارانبارینێ دێ بەر ب دەڤەرێن جودا جودا یێن هەرێما كوردستانێ هێت.
ئاماژە ب وێ کر، دەست پێکا پێلا بارانێ دێ ل باشوورێ هەرێما كوردستانێ دەست پێکەت، ب تایبەت ل دەمێن شەڤێ ل ئیدارا گەرمیان زۆرترین باران دێ باریت، گۆژمێ بارانبارینا پێشبینیکری بۆ ئیدارا گەرمیان دناڤبەرا 35 بۆ 45 ملم بیت، هندەك دەمان ژی دێ بیته عەڤرو بریسی و لێزمەباران و ئاستێ ئاڤێ دێ بلند بیت.
پشکا پێشبینییا وەزارەتا ڤەگوهاستن و گەهاندنێ بەحسا وێ ئێکێ كر، کاریگەرییا ڤێ پێلێ دێ ژبۆ سەر پشکەکا سنوورێ پارێزگەها سلێمانى و هەلەبجە و ئیدارا راپەڕین درێژبیت، گوژمێ باران بارینا پێشبینیکری ل ڤان جهان دێ دناڤبەرا 20 بۆ 25 ملم بیت.
زەلال ژی کر، ئەو بارانبارینا کۆ دێ بەر ب سنوورێ پارێزگەها هەولێر و ئیدارا سەربەخۆیا سۆران و دەڤەرێن چیایی هێت، گوژمێ بارانا پێشبینیکری ل سەنتەرێ هەولێر دێ 10 بۆ 15 ملم بیت، ل ئیدارا سەربەخۆیا سۆران و دەڤەرێن چیایی زێدەتر ژ 20 ملم بیت.
هەر د هۆشداریێدا پێشبینییا وێ ژی كریە، ل سنوورێ پارێزگەها دهۆك و ئیدارا سەربەخۆیا زاخۆ کاریگەرییا ڤێ پێلا بارانبارینێ دێ یا لاواز بیت، گوژمێ بارانبارینا پێشبینیکری ل ڤان جهان دێ دناڤبەرا 7 بۆ 12 ملم بیت.
پشکا پێشبینییا وەزارەتا ڤەگوهاستن و گەهاندنێ هۆشدارییا وێ دایە، کۆ دگەل بارانبارینێ، شەڤێ دێ هەوایەکی سار بەر ب دەڤەرێ هێت، بەفر دێ ل دەڤەرێن چیایی یێن سنووری باریت، ئەگەرێ تەرگا بارینێ دگەل ڤێ پێلا بارانبارینێ هەیە، پشتی نیڤرۆیا رۆژا دووشەمبی 25 /3 /2024وە، کاریگەرییا ڤێ پێلێ دێ ب دوماهیك هێت.
ئەڤرۆ ئێكشەمبی 24 /3 /2024، پشکا پێشبینییا وەزارەتا ڤەگوهاستن و گەهاندنێ، هۆشدارییەك دەربارێ سەقای بڵاڤکر، تێدا دیار کر، د ئەنجامێ کاریگەرییا دوو نزمەپالەپەستۆیا دەریایا سوور و کەنداڤێ عەرەبی، پشتی نیڤرۆیا ئەڤرۆ پێلەکا دی یا بارانبارینێ دێ بەر ب دەڤەرێن جودا جودا یێن هەرێما كوردستانێ هێت.
ئاماژە ب وێ کر، دەست پێکا پێلا بارانێ دێ ل باشوورێ هەرێما كوردستانێ دەست پێکەت، ب تایبەت ل دەمێن شەڤێ ل ئیدارا گەرمیان زۆرترین باران دێ باریت، گۆژمێ بارانبارینا پێشبینیکری بۆ ئیدارا گەرمیان دناڤبەرا 35 بۆ 45 ملم بیت، هندەك دەمان ژی دێ بیته عەڤرو بریسی و لێزمەباران و ئاستێ ئاڤێ دێ بلند بیت.
پشکا پێشبینییا وەزارەتا ڤەگوهاستن و گەهاندنێ بەحسا وێ ئێکێ كر، کاریگەرییا ڤێ پێلێ دێ ژبۆ سەر پشکەکا سنوورێ پارێزگەها سلێمانى و هەلەبجە و ئیدارا راپەڕین درێژبیت، گوژمێ باران بارینا پێشبینیکری ل ڤان جهان دێ دناڤبەرا 20 بۆ 25 ملم بیت.
زەلال ژی کر، ئەو بارانبارینا کۆ دێ بەر ب سنوورێ پارێزگەها هەولێر و ئیدارا سەربەخۆیا سۆران و دەڤەرێن چیایی هێت، گوژمێ بارانا پێشبینیکری ل سەنتەرێ هەولێر دێ 10 بۆ 15 ملم بیت، ل ئیدارا سەربەخۆیا سۆران و دەڤەرێن چیایی زێدەتر ژ 20 ملم بیت.
هەر د هۆشداریێدا پێشبینییا وێ ژی كریە، ل سنوورێ پارێزگەها دهۆك و ئیدارا سەربەخۆیا زاخۆ کاریگەرییا ڤێ پێلا بارانبارینێ دێ یا لاواز بیت، گوژمێ بارانبارینا پێشبینیکری ل ڤان جهان دێ دناڤبەرا 7 بۆ 12 ملم بیت.
پشکا پێشبینییا وەزارەتا ڤەگوهاستن و گەهاندنێ هۆشدارییا وێ دایە، کۆ دگەل بارانبارینێ، شەڤێ دێ هەوایەکی سار بەر ب دەڤەرێ هێت، بەفر دێ ل دەڤەرێن چیایی یێن سنووری باریت، ئەگەرێ تەرگا بارینێ دگەل ڤێ پێلا بارانبارینێ هەیە، پشتی نیڤرۆیا رۆژا دووشەمبی 25 /3 /2024وە، کاریگەرییا ڤێ پێلێ دێ ب دوماهیك هێت.