د. دلاوه‌ر هه‌ركى قائیممقامێ ئاكرێ و سه‌رۆكێ لژنه‌یا ئاماده‌كارییێن ئاهه‌نگا نه‌ورۆزێ ل ئاكرێ ڕاگه‌هاند، ئاهه‌نگا ئه‌ڤساله دێ ل ژێر چاڤدێرییا ئێكسه‌ر یا مه‌سرور بارزانى سه‌رۆكێ حكومه‌تا هه‌رێما كوردستانێ هێته گێران، دڤێ ئاهه‌نگێدا سروودێن ئایینى و نیشتیمانى دێ هێنه گوتن.
د. دلاوه‌ر هه‌ركى قائیممقامێ ئاكرێ دپرێسكۆنفرانسه‌كیدا دیاركر، ئاهه‌نگا نه‌ورۆزێ دێ ل ژێر چاڤدێرییا مه‌سرور بارزانى سه‌رۆكێ حكومه‌تا هه‌رێما كوردستانێ بیت، كونسۆل و نوونه‌رێن وه‌لاتان و ب هزاران مێڤانێن ناڤخۆ و ژ ده‌رڤه دێ پشكدارییێ كه‌ن.
گوت ژى: فێستیڤالا ئاهه‌نگێ دێ ل ده‌مژمێر 6:50 خۆله‌كێ مه‌غره‌ب یا ڕۆژا چارشه‌مبى 20-3-2024ێ پشتى بانگێ مه‌غره‌ب ده‌ستپێكه‌ت، ل ده‌مژمێر 7:40 خۆله‌كى ب شه‌ڤ یارییێن ئاگرى ل ( كه‌لا ئاكرێ و كه‌له كه‌ڤنێ ) هێنه هاڤێتن، سروودێن ئایینى و نیشتیمانى دێ هێنه گوتن داكو چ كارتێكرن ل سه‌ر هه‌یڤا ڕه‌مه‌زانا پیرۆز نه‌بن.
به‌حس ل هندێ ژى كر، ژ ده‌مژمێر 1:00 نیڤرۆ یێ 20ى ئادارێ، فلكا كانیمانكرۆك دێ هێته گرتن، ب تنێ ڕێ دێ ب نه‌خۆشان و ئه‌وێن حاله‌ته‌كێ بله‌ز هه‌ى هێته دان كو هاتنوچوونێ بكه‌ن.