د دووماهی دیدارا خۆ دا محەمەد شیاع سوودانی، سەرۆکوەزیرێن عیراقێ دگەل میدیایەکا عەرەبی ڕاگەهاندیە:"ل گۆرەی دەستووری و یاسایا بودجەی تشتەک نینە ب ناڤێ بڕینا مووچەیی یان هنارتنا مووچەی، بەلکوی پێدڤیە ب ڕێژەیا 12.67% پشکا هەرێما کوردستانێ بهێتە هنارتن.
سوودانی باس ل وێ چەندێ ژی کر، کو ل بەغدا نە لێکتێگەهشتنەک ل سەر پێگەهێ هەرێما کوردستانێ هەیە، ئەڤە ددەمەکی دایە کو وەزیرا دارایی یا عیراقێ مووچەیێ هەیڤا شووباتێ دێ ب قۆناغ هنێریت و هنارتنا مووچەی بۆ هەیڤێن دووڤدا دێ مەرجدار کەت.
دەربارەی پشکا بودجەی یا هەرێما کوردستانێ، د دووماهی دیدارا خۆ دا محەمەد شیاع سوودانی، سەرۆکوەزیرێن عیراقێ کو بۆ کەنالەکێ سعوود ئاخڤتیە ڕادگەهینیت:" ل گۆرەی دەستووری تشتەک نینە ب ناڤێ بڕینا مووچەیی، هەروەسا ل گۆرەی یاسایا بودجەی پشکا هەرێما کوردستانێ 12.67%.."
سوودانی دووپات دکەت و دبێژیت:"ل گۆرەی یاسایا بودجەی تشتەک نینە ب ناڤێ مووچە بەلکو پێدڤیە بودجەی بۆ هەرێما کوردستانێ بهنێرین، ژ بۆ کو پشکەک ژ دابینکرنا مووچەی خەرج بکەن و پشکەکا دی ژی بۆ پرۆژەیان چونکی هەرێما کوردستانێ خودان حکومەت و پەرلەمانێ خۆ یە وەکی قەوارەیەکێ سیاسی و دەستووری.