پێشبینى دهێته كرن هه‌تا هاتنا جه‌ژنا ره‌مه‌زانێ سه‌قایێ هه‌رێما كوردستانێ ب گشتى و پارێزگه‌ها دهۆكێ ب تایبه‌تى ساهى بیت.
ل گۆره‌ى مالپه‌رێ جیهانى یێ تایبه‌تمه‌ند ب سه‌قاى ڤه Accu Weather؛ هه‌ر ژ ئەڤرو 30ى ئادارێ هه‌تا رۆژا 10 نیسانێ دێ سه‌قایێ پارێزگه‌ها دهۆكێ ساهى بیت و باران نابارن.
هه‌ر ل گۆره‌ى پێشبینیێن وى مالپه‌رى، ده‌لیڤه‌یا باران بارینێ ل رۆژێن 10 و 11ى نیسانا بهێت ب رێژه‌یێن 55% و 61% هه‌یه.
سه‌قاناسییا هه‌رێما كوردستانێ ژى د ده‌مه‌كێ دى دا ژ ئه‌ڤرۆ راگه‌هاند بوو كو سوبه‌هى پله‌یێن گه‌رمیێ ل سه‌رانسه‌رى هه‌رێما كوردستانێ دێ بلند بن و سه‌قا دێ ساهى بیت.
سه‌قاناسیێ دیار ژى كربوو "سوبه‌هى شه‌مبیێ بلندترین پله‌یا گه‌رمیێ ل دهۆكێ دێ 24 پله‌یێن سیلیزى بن ل ده‌مه‌كێ ئه‌ڤرۆ ئه‌ینیێ بلندترین پله 22 بوو و نزمترین پله 9 بوو"