فوئاد حسێن وه‌زیرێ ده‌رڤه یێ عیراقێ ل واشنتۆنێ ڕاگه‌هاند، د سه‌ره‌دانا سوودانى دا بۆ ئه‌مریكا، بابه‌تێ هنارتنا په‌ترۆلا هه‌رێما كوردستانێ دێ ته‌وه‌ره‌كێ دانوستاندنان بیت، ئه‌وا وى ژ سوودانى زانى، مووچه‌یێ هه‌یڤا ئادارێ ژى دێ هێته هنارتن.
فوئاد حسێن وه‌زیرێ ده‌رڤه یێ عیراقێ د پرێسكۆنفرانسه‌كیدا ل دۆر مووچه‌یێ مووچه‌خۆرێن هه‌رێما كوردستانێ دیاركر، كار ل سه‌ر بابه‌تێ مووچه‌ى هاتییه كرن، سه‌ربارى كو هه‌تا نوكه ئاریشه نه‌هاتینه چاره‌سه‌ركرن، لێ پێشبینى دكه‌ت ل چه‌ند ڕۆژێن بهێن چاره‌سه‌ر ببن، گوت ژى: ئه‌وا وى ژ محه‌مه‌د شیاع سوودانى زانى، چ ئاسته‌نگ نینن و مووچه‌یێ هه‌یڤا ئادارێ ژى دێ هێته هنارتن.
ئاشكرا ژى كر، شاندێ سوودانى دێ كورد ژى دگه‌لدابن، ب پشتراستیڤه بابه‌تێ هنارتنا په‌ترۆلا هه‌رێما كوردستانێ دێ دڤێ سه‌ره‌دانێدا هێته به‌حسكرن، چه‌ند كۆمپانییێن ئه‌مریكى یێن به‌رهه‌مئینانا په‌ترۆلێ هه‌نه كو بێ گۆمان ئه‌وانژى ئاسته‌نگێن خوه دگه‌ل كۆنگرێسى و ئیداره‌یا ئه‌مریكا به‌حسكرینه، دڤێ سه‌ره‌دانا سه‌رۆكوه‌زیراندا دێ دانوستاندن ل سه‌ر هنارتنا په‌ترۆلا هه‌رێمێ هێنه‌كرن.