سه‌رۆكا هنگاریا پشته‌ڤانییا وه‌لاتێ خوه‌ بۆ هه‌رێما كوردستانێ دووپاتكر

مه‌سرور بارزانى سه‌رۆكێ حكومه‌تا هه‌رێما كوردستانێ ل داڤۆس دگه‌ل كاتالین نۆڤاك سه‌رۆكا هنگاریا كۆمبوو، د كۆمبوونێدا دووماهى پێشهات و گوهۆرینێن عیراقێ و ده‌ڤه‌رێ و پیشڤه‌برنا په‌یوه‌ندییێن دوو لایانه‌ هاتنه‌ گوتوبێژكرن.
سه‌رۆكا هنگاریا سه‌ره‌خۆشى و هه‌ڤخه‌مییا خوه‌ بۆ گیان ژ ده‌ستدانا خه‌لكێ سڤیل د هێرشا ل سه‌ر هه‌ولێرێدا ده‌ربرى، پشته‌ڤانییا وه‌لاتێ خوه‌ بۆ هه‌رێما كوردستانێ دووپاتكر.
سه‌رۆكێ حكومه‌تێ سوپاسییا هه‌ڤخه‌مى و پشته‌ڤانییا سه‌رۆكا هنگاریا كر و دووپاتكر، هه‌رێما كوردستانێ دێ وه‌كو هه‌رجار فاكته‌ره‌كێ ئاسایش و سه‌قامگرییێ ل عیراقێ و ده‌ڤه‌رێ بیت.