سه‌رۆكێ حكومه‌تا هه‌رێما كوردستانێ پێشوازى ل بالیۆزێ نه‌مسا ل عیراقێ كر و هه‌ردوو لایه‌ن ل سه‌ر پاراستنا سلامه‌تییا هنارتییێن دیپلۆماسى ل عیراقێ و به‌رده‌وامبوونا كاركرنا وان د هه‌ڤرابوون.
مه‌سرور بارزانى سه‌رۆكێ حكومه‌تا هه‌رێما كوردستانێ پێشوازى ل ئه‌ندریا ناسى بالیۆزێ نه‌مسا ل عیراقێ كر، د دیدارا واندا دووماهى پێشهاتێن ڕه‌وشا گشتییا عیراقێ و ده‌ڤه‌رێ و پێشڤه‌برنا په‌یوه‌ندییێن هه‌ردوو لایه‌نان هاتنه گوتوبێژكرن.
سه‌رۆكێ حكومه‌تا هه‌رێما كوردستانێ ئاماژه ب په‌یوه‌ندییێن مێژووی و ب تایبه‌تى دناڤبه‌را هه‌رێما كوردستانێ و كۆمارا نه‌مسادا و پشته‌ڤانییا وه‌لاتێ وى دگه‌ل گه‌لێ كوردستانێ د قووناغێن جۆدا دا كر.
بالیۆزێ نه‌مسا حه‌زا وه‌لاتێ خوه بۆ پێشڤه‌برنا په‌یوه‌ندییان دگه‌ل هه‌رێما كوردستانێ نیشاندا و پشته‌ڤانى بۆ قه‌واره‌یێ ده‌ستوورییێ هه‌رێمێ دووپاتكر.