مه‌سرور بارزانى سه‌رۆكێ حكومه‌تا هه‌رێما كوردستانێ پێشوازى ل ئانۆ سارێلا بالیۆزا فینله‌ندا ل عیراقێ كر.
د دیدارا واندا هزر و بیر ل دۆر دووماهى گوهۆرین و پێشهاتێن ڕه‌وشا گشتییا عیراقێ و ده‌ڤه‌رێ و پێشڤه‌برنا په‌یوه‌ندییێن دوولایانه هاتنه لێكگۆهارتن.
ته‌وه‌ره‌كێ دییێ كۆمبوونێ یێ تایبه‌ت بوو ب په‌یوه‌ندییێن هه‌رێما كوردستانێ و حكومه‌تا فیدرال، دڤى بیاڤیدا دووپاتى ل گرنگییا دابینكرنا ماف و شایسته‌یێن داراییێن هه‌رێمێ و ده‌ستپێكرنا هنارتنا په‌ترۆلا هه‌رێما كوردستانێ دنێزیكترین ده‌مدا هاته‌كرن.
پاراستنا ئاسایش و سه‌قامگێرییا هه‌رێما كوردستانێ و عیراقێ و پاراستنا سلامه‌تییا هێزێن هه‌ڤپه‌یمانان و هنارتییێن دیپلۆماسى ل عیراقێ و گرنگییا به‌رده‌وامبوونا ئه‌ركێن وان، پشكه‌كا دییا دانوستاندنان بوو.