كۆچكا سپى د ڕاگه‌هاندنه‌كێدا دیاركر، مه‌سرور بارزانى سه‌رۆكوه‌زیرێن هه‌رێما كوردستانێ و جه‌یك سولیڤان شیره‌تكارێ ئاسایشا نه‌ته‌وه‌ییا ئه‌مریكا ل داڤۆس كۆمبوون و دیدارا واندا، شیره‌تكار ئاسایشا نه‌ته‌وه‌ییا ئه‌مریكا ب توندى هێرشێن له‌شكه‌رێ پاسدارێن ئیرانێ بۆ سه‌ر هه‌ولێرێ و شه‌هیدكرنا وه‌لاتییێن سڤیل ئیدانه‌كر.
كۆچكا سپى به‌حس ل هندێ ژى كر، هه‌ردوو لایان دووپاتى ل گرنگییا ده‌ستپێكرنا هنارتنا په‌ترۆلا هه‌رێما كوردستانێ و هنارتنا شایسته‌یێن داراییێن هه‌رێما كوردستانێ ژلایێ حكومه‌تا فیدرالیڤه بۆ هه‌ولێرێ كر.
هه‌روه‌سا دڕاگه‌هاندنێدا هاتییه، شیره‌تكارێ ئاسایشا نه‌ته‌وه‌یێن ئه‌مریكا پێزانینێن خوه بۆ هه‌رێما كوردستانێ وه‌كو پشكه‌كا گرنگا ئه‌مریكا ده‌ربرى و پشته‌ڤانییا وه‌لاتێ خوه ژى بۆ هه‌ولێرێ دووپاتكر.