خوزی بورینیو یێ پرتوگالی راهێنەرێ بەرێ یا یانەیا ڕۆما پشتی چەند روژەکان ل دیرئێخستنێ ل سەرکرداتیا گورگێن پایتەختێ ئیتالیا ل باژێرێ بەرشەلونا یێ ئیسپانی هاتە دیتن
ئەڤرو ئێك شەمبی 21/1/2024 بەرنامەیا "ئێل چیرینتۆ" ـێ ئسپانی ڤیدیویەك بەلاڤ کریە کو تێدا هاتنا مورینیوی بو پایتەختێ کەتەلونیا پشت راست کریە
د ڤیدیویێ دا راهێنەرێ پرتوگالی رەت دکەت داهاتیێ خۆ ئاشکرا بکەت ، ئەڤە ژی ددەمەکێ دایە نوچەیێن گرێبەست کرن دگەل ئێك ژ یانەیێن خولا سعودی یان یانەیا ناپولی بەلاڤ بوو.
سپیشەل وەن ب کەنی ڤە بەرسڤ دا دەمێ پسیار لێ هاتیە کرن ، دێ بیتە راهێنەرێ بەرشەلونا .
روژنامەیا "دەیلی مەیل" یا بەریتانی پێشتر بەلاڤ کربو ، خورخی مێندێز برێکارێ مورینیوی پێشکەشی بەرشەلونا کربو ئەگەر ئیدارەیا یانەیا ئسپانی بڕیارێ بدەت راهێنەرێ نوکە چاڤی هێرناندێز ل یانێ دیربێئێخیت
هەر وێ روژنامێ ئاماژە ب وێ چەندێ دایە دنوکەدا چاڤی راهێنەرێ بەرشەلونا شەری بو بدەستڤە ئینانا باوەریێ دکەت.