نێچیرڤان بارزانی، سەرۆکێ هەرێما کوردستانێ ل گەل هادی عامری، سه‌رۆكێ رێكخراوا به‌در کۆمبوو، لدووڤ راگەهاندنه‌كا سەرۆکایەتییا هەرێما کوردستانێ، ره‌وشا ئه‌منى و سياسيیا عێراقێ و ئالۆزييێن ده‌ڤه‌رێ هاتنه به‌حس كرن.
سەرۆکاتییا هەرێما کوردستانێ ئه‌ڤرۆ ئێکشەمبی، 14-01-2024 ێ" راگەهاند، نێچیرڤان بارزانی، سەرۆکێ هەرێما کوردستانێ و هادی عامری، سه‌رۆكێ رێكخراوا به‌در ته‌كه‌زی ل سه‌ر پێدڤییا پاراستنا سه‌قامگيريیا عێراقێ كرییه.
سەرۆکێ هەرێما کوردستانێ و سه‌رۆكێ رێكخراوا به‌در هه‌ڤرابوون " دڤێت ماف و شايسته‌یێن دارايی و مووچه‌ىێ فه‌رمانبه‌رێن هه‌رێما كوردستانێ بهێنه‌دان و ژيانا وه‌لاتييان یا پاراستی بیت.
هەروه‌سا به‌حسێ كێشێن هه‌ولێر ـ به‌غدا و گرنگيیا چاره‌سه‌ركرنا وان ب دانوستاندن و لێكتێگه‌هشتنێ، ته‌وه‌ره‌كێ ديتر یێ وێ ديدارێ بوو.