ئاکرێ نیوز
ئه‌ڤرۆ چین و ته‌خێن جودایێن ئاکرێ و بەردەرەش هێرشێن ئیرانێ ل سه‌ر هه‌رێمێ شه‌رمزار کرن و هێرشێن ل سه‌ر هه‌ولێرێ ب كارێن تێكده‌ر و تیرۆرستى ناڤ کرن.
حه‌فتیا بۆرى ئیرانێ ب 11 مووشه‌كان هێرش ل چه‌ندین جهێن هه‌ولێرێ كر و بوو ئه‌گه‌ر 7 كه‌س ژیانا خۆ ژ ده‌ست بده‌ن و چه‌ندین كه‌سێن دى ژى بریندار بوون.
ئه‌ڤرۆ رۆژا دووشەمبی 22-1-2024ێ ته‌خ و چینێن جودایێن ئاکرێ و بەردەرەش خرڤه بوونەکا جەماوەری یا مەزن ل دوریانا کانی مامکروکێ و ب دروشمێن جودا داخوازا راوه‌ستاندنا هێرشێن ئیرانێ ل سه‌ر خه‌لكێ سڤیل یێ هه‌رێمێ كرن.
د په‌یاما خه‌لكێ ئاکرێ و بەردەرەش دا خه‌لكى داخواز ژ نه‌ته‌وه‌یێن ئێكگرتى و حكومه‌تا ئیراقێ و جیهانێ كر رێكێ ل ئیرانێ بگرن داكو هێرشێن خۆ ل سه‌ر خه‌لكێ سڤیل یێ هه‌رێمێ ب راوه‌ستینن.