ل ڕۆژا 22 کانوونا دووێ یا سالا 1946 ل گۆڕەپانا چارچرا یا مهابادێ و ب پشكدارییا زێدەتر ژ 20 هزار کەسان ژ نوینەرێن هەمی چین و تەخێن خەلكێ كوردستانێ، ئێكەمین كۆمارا كوردستانی ب سەرۆكاتییا پێشەوا قازی محەمەد هاتە دامەزراندن.
هەرچەندە ژیێ كۆمارا كوردستان بتنێ 11 هەیڤ بوون، لێ میراتەكێ مەزن ل دویڤ خۆ هێلا كو هەتا نوكە كورد شانازییێ پێ دكەن، ئەوژی سروودا ئەی ڕەقیب و ئالایێ كوردستانێ و ناڤێ پێشمەرگە.
ژ كارێن كومارا كوردستان یێن هەرە گرنگ:
- دامەزراندنا حوكمڕانییێ ل دەڤەرێن ژێر دەستهەلاتا كۆمارا كوردستان.
- خواندن و پەروەردە كرە زمانێ كوردی.
- چاپخانە ئینا مهابادێ و ڕۆژنامەیەك و چار گۆڤار چاپ و بەلاڤكرن.
- بۆ جارا ئێكێ شانۆنامەیا دایكا نشتیمان ب زمانێ كوردی هاتە نمایشكرن.
- ڕادیۆیەكا كوردی ل مەهابادێ هاتە دامەزراندن.
- لەشكەرێ مللی یێ كوردستانێ هاتە دامەزراندن كو ددویڤدا ناڤێ پێشمەرگە ل سەر هاتەدانان.
- پەیوەندییێن سیاسی و ئابووری ل گەل ئێكەتییا سۆڤیەت و کۆمارا ئازەربایجانێ هاتنە ڕێكخستن.
- بەرهەمێ چاندنێ یێ كوردستانێ هەناردەی سۆڤیەتێ هاتەكرن.
ل هەیڤا کانوونا ئێکێ حکومەتا تەهرانێ هێرشکرە سەر کۆمارا کوردستان و کۆنتڕۆل کر، د وی دەمی دا قازی محەمەد ب نەچاری خۆ رادەستی ھێزێن ئیرانێ کر، ل دوماهییا هەیڤا ئادارێ یا سالا 1947 سەرکردە قازی محەمەد ل گەل 10 هەڤالێن وی ل گۆرەپانا "چار چرا" ل مھابادێ هاتنە سێدارەدان.