ئه‌ڤرۆ سپێدێ سه‌رۆكێ هه‌رێما كوردستانێ ل گه‌ل فه‌رمانده‌یێ گشتیێ هێزێن هه‌ڤپه‌یمانان ل ئیراق و سووریا كۆمبوو، هه‌ر دو ئالیان دوپاتى ل نه‌هێلانا تیرۆرێ و پشته‌ڤانیا سوپایێ ئیراقێ و پێشمه‌رگه‌ى كر.
سه‌رۆكاتیا هه‌رێما كوردستانێ به‌لاڤكریه، ئه‌ڤرۆ سپێدی 9-1-2024ێ نێچیرڤان بارزانى، سه‌رۆكێ هه‌رێما كوردستانێ ل گه‌ل جه‌نه‌رال جۆول ڤاول، فه‌رمانده‌یێ گشتی یێ هێزێن هه‌ڤپه‌یانان ل ئیراق و سووریا و شانده‌كێ ل گه‌ل دا كر.
د كۆمبوونه‌كێ دا هاریكاریا هێزێن هه‌ڤپه‌یمانان ل گه‌ل ئیراق و هه‌رێما كوردستانی بۆ به‌رهنگاربوونا گه‌فێن تیرۆرێ بۆ ژناڤبرنا ب ئێكجارى یا داعشێ، هاریكاریا سوپایێ ئیراقێ و پێشمه‌رگه‌ى ب مه‌شق و راهێنان و شیره‌تكاریێن سه‌ربازىن گه‌فا تیرۆرێ ل ئیراق و سووریا و ناوچێ ب گشتى هاتنه به‌حسكرن.
هه‌ر دو ئالیان دوپاتى ل پاراستنا هێزێن هه‌ڤپه‌یمانان، هنارتیێن دبلۆماسى ل ئیراقێ كر و هه‌ڤڕا بوون كو سه‌قامگێریا ئیراقێ بۆ ته‌ماما ناوچێ گرنگه و دڤێت و پێدڤیه چ ده‌لیڤه ب تیرۆرێ نه‌هێته دان بهێنه سه‌رهه‌لدان و هه‌روه‌سا به‌حس ل هێرشێن درۆى ل سه‌ر هه‌رێما كردستانێ ژى كر.
ره‌وشا ناڤخۆ یا هه‌رێما كوردستانێ، ئێكخستنا هێزێن پێشمه‌رگه‌ى، ئالۆزیێن رۆژهه‌لاتا ناڤین، شه‌ڕێ ل غه‌زه و كارتێكرنا وێ ل سه‌ر ناوچێ و هنده‌ك پرسێن دى یێن جهێ گرنگیا هه‌ر دو ئالیان ته‌وه‌رێن دى یێن كۆمبوونێ بوون كو هه‌ژماره‌كا دبلۆماتكاران ژى به‌رهه‌ڤى كۆمبوونێ ببوون.