* ڤاکسینێن دژی ڤایرۆسێ RSV
ئیدارا خوارن و دەرمانان ل ئەمریکا رازی بوو ل سەر دو ڤاکسینێن نوی بۆ خۆپاراستنێ ژ ڤایرۆسێ RSV کو مەترسیەکا مەزن ل سەر کەسێن بەرگریا لەشێ وان یا بێهێز هەیە، ب تایبەت کەسێن پتری 60سالیێ.
گرنگیا وان ڤاکسینان د وێ چەندێ دا بوو کو ژنێن دوگیانژی د چارێکا دووماهیێ یا دوگیانیێ دا د حەفتیێن 32هەتا 36 ژ دوگیانیێ دشێن بدانن و چ کارتێکرن لێنابیت، و دژە تەن بۆ زارۆکی ژی دهێنە ڤەگۆهاستن د مالبچووکێ دایکێ دا و هەتا شەش هەیڤان ژ عەمرێ زارۆکی پشتی زارۆکبوونێ وی ژ نەخۆشیێن ب مەترسی دپارێزیت.
* گوهارتنا جینی بۆ چارەسەرکرنا خانەیێن شالوکی
زانا سەرکەفتن د داهێنانا دو دەرمانێن جینی بۆ چارەسەرکرنا کێمخوینیا شالوکی، ئەوژی حالەتەکێ زکماکیە کو تێدا خانەیێن سۆرێن خوینێ وەکو هەیڤێ یان شالوکێ دیاردبن و رەق و نیسەک دبن.
ئێک ژوان چارەسەریان دبێژنێ Lyfgenia کو پارچەکا ڤایرۆسی دهێتە ب کارئینان بۆ گەهاندنا جینێ هیموگلوبینێ کوپەلەی، کو دبیتە رێگر شانەیێن خوینێ پێکڤە نەنسیێن، و چارەسەریا دی دبێژنێ XRISPR/Cas9 بۆ گوهۆرینا خانەیان د زکماکدا بۆ بەرهەمئینانا هیموگلوبینەکێ زێدەتر ژ هیمۆگلوبینێ کورپەلەی و پاش دوبارە دهێتە رەوانەکرن بۆ نەخۆشی.
* حەبێن زارۆکنەبوونێ بێی ڕاچێتا نۆشداری
ئیدارا خوارن و دەرمانان ل ئەمریکا رازیبوو ل سەر ئێکەم حەبێن زارۆکنەبوونێ کو بێی ڕاچێتا نۆشداری بهێنەدان، ئەوژی هندەک حەبن کو پێک دهێن ژ پروجستینی ب تنێ، ئانکو هورمونێ ئەستروجین دناڤدا نینە وەکو حەبێن بەری وان، نۆشدار دبێژن ئەو حەبێن ب تنێ پروجستیرون دناڤدابیت، مەترسیا ب کارئینانا وان کێمترە.
* ئێکەم دەرمان بۆ چارەسەریا ئەلزەهایمەرێ
پشتی سەربورێن گەلەک سالان د تێستێن کلینیکی دا سەرنەکەفتین، دەرمانێ Leqembi سەرکەفت کو ببیتە ئێکەم دەرمان تێکچوونا ئاستێ زانینێ ل دەف نەخۆشێن ئتلزەهایمەرێ گیروبکەت.
دەرمانێ Leqembi کاردکەت ل سەر ئارمانجکرنا "ئەمیلوید بیتا" کو پێکهاتیەکێ سەرەکی یێ ئەمیلویدی یە یێ نەخۆشێن ئەلزەهایمەرێ و کارتێکرنێ ل بیردانک و هزرکرنا وان دکەت و نیشانێن ئەلزەهایمەرێ گیرودکەت.
* چارەسەریا پەنجەشێرا پەنکریاسی
تیمەکێ ڤەکۆلەران ب سپۆنسەرین پەیمانگەهێن نیشتمانی یێن ئەمریکی یێن ساخلەمیێ ( NIH) رابوون ب پێشڤەبرنا ڤاکسینەکی دژی پەنجەشێرا پەنکریاسی و ڤاکسین ل سەر شانەیێن کوژەۆ ب سەرکەفت، ئەوژی جورەکێ شانەیانە د کوئەندامێ بەرگریێ دا کو شانەیێن تووشبووی پویج دکەن و ب تنێ شانەیێن پەنجەشێرێ دکەتە ئارمانج و بسپور دیاردکەن کو د پاشەرۆژێ دا دێ بۆ چارەسەریا جورێن دیتر یێن پەنجەشێرێ هێتە ب کارئینان.