پشتى بۆرینا حه‌فتیه‌كێ ل سه‌ر به‌رده‌ستكرنا كۆمپانیا ئه‌پل بۆ ئه‌پدێتا iOS 17.2 بۆ ئایفۆنان كۆمپانیێ ئه‌پدێتا نوى iOS 17.2.1 ژ بۆ چاره‌كرنا هنده‌ك كێماسیان به‌رده‌ستكریه.
كۆمپانیا ئه‌پل ئه‌پدێتا iOS 17.2.1 به‌رده‌ستكریه و تێدا هنده‌ك شاشیێن سیسته‌مێ كاركرنێ هاتینه چاره‌كرن هه‌روه‌سا ئێمناهیا بكارهینه‌رى هاتیه زێده‌كرن.
ل گۆره‌ى مالپه‌رێن ته‌كنیكى، ئه‌پدێتا نوى كار ل سه‌ر باشتركرنا ته‌مه‌نێ پاتریا موبایلێ دكه‌ت.
ئه‌پدێتا iOS 17.2.1 ئاریشه‌یا زوى ب دویماهیك هاتنا وزه‌یا پاتریێ چاره دكه‌ت و بۆ ئایفۆنان هه‌ر ژ ئایفۆن XS هه‌تا مودێلێن نویتر و ل دویڤ دا به‌رده‌سته.
كۆمپانیا ئه‌پل ل حه‌فتیا بۆرى ئه‌پدێتا سیسته‌مێ كاركرنێ iOS 17.2 بۆ ئایفۆنان به‌رده‌ست كربوو كو ژماره‌یه‌كا مه‌زن یا ساخله‌تان و گوهۆڕینان ب خۆڤه گرتبوو.