ئیبراهیم عەبدولمەجید، پەیڤدارێ دەستەیا گەشتوگوزارێ هەرێما كوردستانێ ئەڤڕۆ ڕاگەهاند، لدووڤ داتایێن كومكری د دەمی 11 هەیڤێن ئەڤسالەدا حەفت ملیۆن و 500 هزار گەشتیاران سەرەدانا هەرێما كوردستانێ كریە و پێشبینی دهێتەكرن هەتا دووماهیكا ئەڤسالە هژمارا وان بگەهیتە هەشت ملیۆن گەشتیاران.
ناڤبری دیاركر ژی، هاتنا گەشتیاران بۆ سەرێ سالا نوی ل هەرێمێ دەستپێكریە و پتریا گەشتیاران ل ڕۆژین نێزیكێن سەرێ سالێ سەرەدانا باژێرێن هەرێما كوردستانێ دكەن.