وەزارەتا خواندنا بلند و ڤەکۆلینێن زانستی دەرگەهێ پێشکێشکرنێ بۆ پۆستێ سەرۆکاتیا دو زانکۆیان ڤەکر و مەرجێن پێشکێشکرنێ راگەهاندن.
وەزارەتا خواندنا بلند و ڤەکۆلینێن زانستی راگەهاند: دەرگەهێ پێشکێشکرنێ بۆ پۆستێ سەرۆکاتیا زانکۆیا ئاکرێ بۆ زانستێن کرداری و هەروەسا سەرۆکاتیا زانکۆیا پۆلیتەکنیک یا گەرمیان هاتیە ڤەکرن و هەر کەسێ بخوازیت ناڤێ خۆ بۆ کاندیدبوونێ بۆ وان پۆستان تۆمار بکەت، پێدڤیە ب رێکا لینکەکێ تایبەت کو ل سایتێ وەزارەتێ هاتیە دانان، تا رۆژا پێنجشەمبی رێکەفتی 14-12-2023یێ سی ڤی یێ خۆ پێشکێش بکەت.
ل گۆرەی مەرجێن وەزارەتێ، پێشکێشکاری پێدڤیە باوەرنامەیا دکتۆرایێ هەبیت، پلەیا وی یا زانستی پرۆفیسۆر بیت، 10 سالێن خزمەتێ د کەرتێ خواندنا بلند دا هەبن و شیانێن کارگێری یێن باش هەبن و هەروەسا دەستپاکیا کارگێری و زانستی هەبیت.
لینکێ پێشکێشکرنێ : کلیک بکە