ئاکرێ نیوز
سەرۆکێ حکومەتا هەرێما کوردستانێ ب هەلکەفتا سەرسالێ پەیامەک بەلاڤ کر و تێدا سوپاسیا خۆراگریا خەلکێ هەرێما کوردستانێ کر.
مەسروور بارزانی، سەرۆکێ حکومەتا هەرێما کوردستانێ د پەیامەکێ دا سەرسالا هەموو کوردستانیان، ب تایبەت هێزێن پێشمەرگەی و ئاساییشێ و کەسوکارێن شەهیدان پیرۆز کر و هیڤیا پێشڤەچوونا بەردەوام بۆ کوردستانێ خواست.
سەرۆکێ حکومەتا هەرێما کوردستانێ د پەیاما خۆ دا سوپاسیا خۆراگریا وەلاتیێن کوردستانێ کر کو ژ ئەگەرێ نەهنارتنا مووچەیان و شایستەیێن دارایی یێن هەرێما کوردستانێ ژ ئالیێ حکومەتا فیدرال ڤە، سالەکا دارایی یا دژوار دەرباز کری.
سەرۆکوەزیر مەسروور بارزانی د بەردەوامیا پەیاما خۆ دا هیڤی خواستیە ل سالا بهێت ئەڤ نەدادپەروەریا ل بەرانبەر هەرێما کوردستانێ ژ ئالیێ بەغدایێ ڤە هەی، ب دوماهی بهێت و کێشەیێن د ناڤبەرا هەردو حکومەتان دا چارە ببن.