نێچيرڤان بارزانى، سه‌رۆكێ هه‌رێما كوردستانێ ئەڤرۆ ئەینییێ پەیامەك ژبۆ جه‌ژنا ڕۆژى يێن ئێزی بەلاڤکر.
دەقێ پەیاما نێچيرڤان بارزانى؛
جه‌ژنا ڕۆژى يێن ئێزى ل ڕێزداران میر و جڤاتا ڕووحانی و هه‌مى خوشك و برايێن ئێزدى ل كوردستانێ و عيراقێ و ل هه‌ر جهه‌كێ جيهانێ بن، ب گه‌رمى پيرۆز دكه‌م. هيڤيدارم جه‌ژنه‌كا ته‌نا و ئارام و بێهنڤه‌دانه‌كا خۆش ببۆرينن.
د ڤێ هه‌لكه‌فتنێدا جاره‌كا دى خوشك و برايێن خۆ يێن ئێزدى پشتڕاست دكه‌ين كو وه‌ك هه‌رگاڤ دێ پشته‌ڤان و پارێزڤانێن مافێن وان بين. دێ هه‌مى بزاڤان که‌ين كو ده‌ڤه‌رێن وان بێنه ئاڤه‌دانكرن و كوردستان هه‌ر وه‌لاتێ پێكڤه‌ژيانا ئاشتيانه يا هه‌مى پێكهاته‌كان بيت.
جه‌ژن پيرۆز بيت، هه‌ر سال ب خێر و خۆشى.
نێچيرڤان بارزانى
سه‌رۆكێ هه‌رێما كوردستانێ
2023-12-15